Indiagroundreport वार्ताहर
अहमदनगर : रावसाहेब दादाराव पाटील दानवे(रेल्वे, कोळसा आणि खाण राज्यमंत्री, भारत सरकार) यांच्या उपस्थितीत दि. १७ नोव्हेंबर २०२२ रोजी अहमदनगर रेल्वे स्थानकावरून अहमदनगर ते नवीन आष्टी दरम्यान अतिरिक्त डेमू (DEMU) सेवांच्या आरंभीय ट्रेनला हिरवा झेंडा दाखवून रवाना करण्यात आले.
यावेळी खासदार डॉ. सुजय विखे पाटील, खासदार डॉ. प्रीतम मुंडे, सुरेश धस(विधान परिषद सदस्य, महाराष्ट्र), बबनराव पाचपुते(विधानसभा सदस्य, महाराष्ट्र) हे सन्माननीय अतिथी म्हणून उपस्थित होते.
रावसाहेब दादाराव पाटील यांनी मेळाव्याला संबोधित करताना सांगितले की, अतिरिक्त डेमू सेवा नवीन आष्टी-अहमदनगर पट्ट्यातील रहिवाशांना आणि आसपासच्या भागातील रहिवाशांना अधिक चांगली कनेक्टिव्हिटी(connectivity) सुनिश्चित करेल. ते पुणे आणि मुंबईला थेट कनेक्टिव्हिटी प्रदान करेल, कारण प्रवाशांना 11042 साईनगर शिर्डी – दादर एक्सप्रेससाठी कनेक्टिंग ट्रेन मिळू शकेल.
सेंट्रल रेल्वेचे अतिरिक्त महाव्यवस्थापक आलोक सिंग(Alok Singh) यांनी अतिथींचे स्वागत केले, तर सेंट्रल रेल्वेचे सोलापूर विभागाचे विभागीय रेल्वे व्यवस्थापक नीरज दोहरे यांनी आभार मानले.
