पुरुषोत्तम कनौजिया
नवी मुंबई : नवी मुंबईतील महापे(Mahape) येथून गुटख्याचा पुरवठा करणाऱ्या व्यापाऱ्यावर पोलिसांनी मोठी कारवाई करीत त्याच्याकडून गुटखा जप्त केला आहे. पोलिसांनी आरोपीकडून 1 लाख 65 हजार रुपयांचा गुटखा जप्त केला आहे.
एका वरिष्ठ पोलीस अधिकाऱ्याने सांगितले की, तुर्भे एमआयडीसी पोलीस ठाण्याच्या(Turbhe MIDC police station) हद्दीत महापे गावातील हनुमान मंदिराजवळील भगवान पाटील यांच्या चाळीच्या पहिल्या मजल्यावरील खोली क्रमांक-३ मध्ये राहणारा संतोष प्रभू साव याच्याकडे गुटखा आणि मोठ्या प्रमाणात सुगंधी तंबाखू असल्याची माहिती मिळाली होती. ती व्यक्ती जवळच्या दुकानदारांना आणि टपरीवाल्यांना गुटख्याचा पुरवठा करते याबाबतची माहिती मिळाल्यानंतर पोलिसांनी एक पथक तयार करून महापे गावात छापा टाकला, मात्र छापा टाकण्यापूर्वी आरोपीला कोणाकडून तरी खबर मिळाली होती, त्यामुळे तो तेथून पळून गेला होता. त्यामुळे पोलीस त्याला अटक करू शकले नाहीत. छापा टाकण्यापूर्वी आरोपीला सूचना कोणी दिल्या, कोणत्या आधारे तो छापा टाकण्यापूर्वी तेथून पळून गेला, असा सवाल आता उपस्थित केला जात आहे.
