पुरुषोत्तम कनौजिया
नवी मुंबई : (Navi Mumbai)नवी मुंबईतील उलवे रोडवर(Ulve Road) बुधवारी कंटेनर उलटून चालक गंभीर जखमी झाला. केळी भरून हे कंटेनर वाशीहून जवाहरलाल नेहरू बंदराच्या दिशेने उरणकडे जात होते. हे कंटेनर परदेशात पाठविले जाणार होते.
हा कंटेनर(container) उलटल्यानंतर तो इतर वाहनाच्या मदतीने जवाहरलाल नेहरू बंदरात नेण्यात आला. राष्ट्रीय महामार्ग असल्याने हा रस्ता वर्दळीचा आहे. उरण बंदरात जाण्यासाठी बहुतांश कंटेनर व ट्रक याच मार्गावरून जातात. बुधवारी हा ट्रक उलवेजवळ आला असता एका कारचालकाने त्याला ओव्हरटेक करण्याचा प्रयत्न केला. यात चालकाचे कंटेनरवरील नियंत्रण सुटले आणि तो सुरक्षा भिंतीला धडकला. भिंतीवर आदळल्याने कंटेनर उलटला. यामध्ये कंटेनरचा चालक जखमी झाला. चालक जखमी होऊन बाहेर पडला आणि त्याला रुग्णालयात नेण्यात आले. त्याच्यावर उपचार सुरू असून, तो आता धोक्याबाहेर आहे. मात्र, कंटेनर उलटल्याने तो जवाहरलाल नेहरू बंदरात(Jawaharlal Nehru port) उशिरा पोहोचला.
