अनेक वर्षांनी एवढा मोठा फेरबदल
पुरुषोत्तम कनौजिया
नवी मुंबई : नवी मुंबई पोलीस आयुक्तालयात मोठा फेरबदल करीत राज्य सरकारने येथील चार पोलीस उपायुक्तांच्या(Deputy Commissioners of Police) बदल्या केल्या आहेत. त्यामध्ये पहिले नाव म्हणजे गुन्हे शाखेचे पोलीस उपायुक्त सुरेश मेंगडे यांचे असून, त्यांनी अनेकवर्षे शहरातील विविध विभागात पोलीस उपायुक्त म्हणून काम केलेले आहे. गुन्हे शाखेचे उपायुक्त होण्यापूर्वी ते नवी मुंबई परिमंडळाचे उपायुक्त राहिले आहेत. आता त्यांची मीरा-भाईंदर येथे बदली करण्यात आली आहे.
त्याचबरोबर वाहतूक विभागाचे(Traffic Department) पोलीस उपायुक्त पुरुषोत्तम कराड यांचीही बदली करून त्यांना मुंबई शहर पोलीस उपायुक्त करण्यात आले आहे. नवी मुंबई परिमंडळ-२ चे पोलीस उपायुक्त शिवराज पाटील यांचीही बदली झाली असून, त्यांना ठाण्याचे पोलीस उपायुक्त करण्यात आले आहे. नवी मुंबई विशेष शाखेच्या पोलीस उपायुक्त रुपाली अंबुरे(Rupali Ambure) यांची ठाण्यात बदली करण्यात आली आहे. त्यांच्या जागी मीरा-भाईंदरचे पोलीस उपायुक्त अमित काळे यांच्याकडे नवी मुंबईची जबाबदारी देण्यात आली आहे.
राज्य सरकारने(state government) पंकज ढाणे, संजय पाटील आणि योगेश चव्हाण यांना नवी मुंबईत पाठविले आहे. मात्र, यांची नवी मुंबई पोलीस आयुक्तालयात उपायुक्तपदी नेमणूक होणार असल्याचे अद्याप स्पष्ट करण्यात आलेले नाही. या सर्व पोलीस उपायुक्तांच्या बदलीबाबत गेल्या काही दिवसांपासून चर्चा सुरू होती, अखेर आता ती करण्यात आली आहे.
