New Delhi : किती कोटी मात्रांचा टप्पा पार केला कोव्हिड लसीकरणाने?

Indiagroundreport वार्ताहर
नवी दिल्ली : भारताच्या देशव्यापी कोव्हिड-19 प्रतिबंधक लसीकरण मोहिमेने 190.20 कोटींचा टप्पा पार केला आहे. 2,36,46,697 सत्रातून हे लसीकरण(vaccination) पार पडले आहे. आतापर्यंत 3.04 कोटींपेक्षा अधिक किशोरवयीन बालकांना लसीची पहिली मात्रा देण्यात आली आहे.

सध्या भारतातील रुग्णसंख्या(patients) 20,635 इतकी आहे. ती देशाच्या एकूण रुग्णसंख्येच्या तुलनेत 0.05% इतकी आहे. भारतात रुग्ण बरे होण्याचा दर 98.74% झाला आहे. गेल्या 24 तासात कोरोनाचे 3,079 रुग्ण बरे झाल्यामुळे आतापर्यंत कोरोनामुक्त झालेल्या रुग्णांची संख्या वाढून 4,25,57,495 झाली आहे. गेल्या 24 तासात 3,451 नव्या कोरोना रुग्णांची नोंद झाली. गेल्या 24 तासात एकूण 3,60,613 चाचण्या करण्यात आल्या. भारताने आतापर्यंत एकूण 84.06 कोटींहून अधिक चाचण्या केल्या आहेत. देशात साप्ताहिक पॉझिटिव्हिटी दर सध्या 0.83%, तर दैनंदिन पॉझिटिव्हिटी दर 0.96 % आहे.

केंद्र सरकारने(The Central Government) सुमारे 193.53 कोटी लसींच्या मात्रा राज्ये/केंद्रशासित प्रदेशांना (मोफत) आणि थेट राज्याद्वारे खरेदी प्रक्रियेच्या अर्थात सर्व स्रोतांच्या माध्यमातून उपलब्ध केल्या आहेत. राज्ये आणि केंद्रशासित प्रदेशांकडे 18.47 कोटी अद्याप न वापरलेल्या आणि उपयोगी मात्रा शिल्लक आहेत.