Navi Mumbai : आईने शाळेत जाण्याचा तगादा लावल्यामुळे मुलीने केली आत्महत्या
पुरुषोत्तम कनौजिया
नवी मुंबई : नवी मुंबईतील रबाळे(Rabale) येथील संभाजी नगर झोपडपट्टीत राहणाऱ्या एका अल्पवयीन मुलीने गुरुवारी गळफास घेऊन आत्महत्या केली. गुरुवारी घरातील सर्व लोक बाहेर गेले असताना या मुलीने पत्र्याच्या घरातील अँगलला कापड बांधून गळफास घेत आत्महत्या केली. ही मुलगी 11 वर्षांची असून, ती पाचवीत शिकत होती.
याबाबत रबाळे पोलीस ठाण्याचे वरिष्ठ पोलीस निरीक्षक(Senior Police Inspector) सुधीर पाटील यांनी सांगितले की, संभाजी नगर झोपडपट्टीत एका मुलीने आत्महत्या केल्याची तक्रार आम्हाला मिळाली. त्यानंतर आमच्या पथकाने तेथे जाऊन मुलीला महापालिकेच्या रुग्णालयात नेले असता डॉक्टरांनी तिला मृत घोषित केले. त्यानंतर तिला पोस्टमॉर्टमसाठी नेण्यात आले. आमच्या प्राथमिक तपासात मुलगी शिकत नव्हती आणि शाळेत जायला तयार नव्हती. त्यामुळे तिची बहीण आणि आई तिला शाळेत जाऊन अभ्यास करण्याचे आव्हान द्यायची. वारंवार अभ्यासासाठी दबाव टाकला जात असल्याने मुलगी नाराज होती, त्यामुळेच तिने आत्महत्या केली असावी. ही मुलगी महापालिका शाळेच्या(municipal school) पाचव्या वर्गात शिकत असून, तिचे वय अंदाजे 11 वर्षे आहे.
