Mumbai : गोंदिया जिल्ह्यात महिलेवर अत्याचार

महिला आयपीएस अधिकारी एसआयटीमार्फत करणार या प्रकरणाचा तपास : मुख्यमंत्री

प्रशांत बारसिंग
मुंबई : गोंदिया जिल्ह्यातील सावरटोली येथील महिलेवर झालेल्या घृणास्पद अत्याचाराची गंभीर दखल मुख्यमंत्री एकनाथ शिंदे(Eknath Shinde) यांनी घेतली असून, या संपूर्ण प्रकरणाची चौकशी आयपीएस दर्जाच्या महिला पोलीस अधिकाऱ्याच्या नेतृत्वाखालील एसआयटीमार्फत करण्याचे निर्देश त्यांनी दिले आहेत.

हे प्रकरण माणुसकीला काळिमा फासणारे असून, संपूर्ण तपास फास्टट्रॅकवर(fast-tracked) करून आरोपींच्या मुसक्या आवळण्याचे, त्याचप्रमाणे यापुढे अशी घटना करावयास कुणी धजावणार नाही, असे कठोर शासन आरोपींना करण्याच्या दृष्टीने मुख्यमंत्र्यांनी निर्देश दिले आहेत.

यासंदर्भात मुख्यमंत्र्यांनी पोलीस महासंचालकांशीदेखील चर्चा केली. पीडित महिलेला सर्वत्तोपरी उपचार मिळावेत, कुठलीही हयगय यात होणार नाही हे पाहण्याचे निर्देशही मुख्यमंत्र्यांनी प्रशासानाला(administration) दिले आहेत.