Entertainment : ‘नवा गडी नवं राज्य’ही मालिका 8 ऑगस्टपासून प्रेक्षकांच्या भेटीला
Indiagroundreport वार्ताहर
मुंबई : झी मराठीवर ‘नवा गडी नवं राज्य’ ही नवीन मालिका ८ ऑगस्टपासून प्रेक्षकांच्या भेटीला येणार आहे. रमा आणि आनंदीच्या संसाराची गोड गोष्ट यात प्रेक्षकांना पाहायला मिळेल. ह्या मालिकेत प्रमुख भूमिकेत अनिता दाते(Anita Date), पल्लवी पाटील आणि कश्यप परुळेकर सोबतच साईशा भोईर असणार आहेत.
झी मराठीने टेलिव्हिजनच्या इतिहासात पहिल्यांदांच मालिकेच्या निमित्ताने दिव्य प्रीमियर सोहळा मुंबई(Mumbai) येथे आयोजित केला. ह्यावेळी मालिकेचे सर्व कलाकार, तंत्रज्ञ सोबतच मनोरंजन क्षेत्रातील पत्रकारमंडळीदेखील ह्या प्रीमियरला उपस्थित होती.
ह्यावेळी अनिता दाते, पल्लवी पाटील(Pallavi Patil) आणि कश्यप परुळेकर ह्यांनी आनंद व्यक्त करून आपल्या भावना यावेळी व्यक्त केल्या. आम्ही ह्या प्रीमियरसाठी खूप उत्सुक होतो, कारण मराठी मालिकेचा असा भव्य प्रीमियर होणे हे कदाचित पहिल्यांदाच होत असेल. ह्यासाठी आम्ही व आमच्या सर्व टीमने खूप मेहनत घेतली. प्रीमियर बघून आम्ही खूप खुश झालो आहोत. आम्हाला पूर्ण खात्री आहे की, आमची ही आगळीवेगळी मालिका प्रेक्षकांच्या मनात नक्कीच स्थान मिळवेल, असे त्यांनी म्हटले.
