Akola : तरुणीसह 3 महाविद्यालयीन विद्यार्थी बेपत्ता

Indiagroundreport वार्ताहर
अकोला : एकाच महाविद्यालयामध्ये शिकणारे तरुणीसह ३ महाविद्यालयीन विद्यार्थी मागील १ ऑगस्टपासून बेपत्ता आहेत. १ ऑगस्ट रोजी चौघेही घरून कॉलेजला गेले, मात्र तेव्हापासून ते परतलेच नाहीत. चौघेही अकोला जिल्ह्यातील बाळापूर तालुक्यातल्या व्याळा येथील पॉलिटेक्निक कॉलेजमधील(Polytechnic College) विद्यार्थी आहेत. बेपत्ता झालेल्यांमध्ये अकोला जिल्ह्यातील तिघांचा, तर बुलढाणा जिल्ह्यातील खामगाव तालुक्यातील पळशी खुर्द येथील तरुणाचा देखील समावेश आहे.

तुळशी अनिल ताले(वय १८ , रा. रेणुका नगर, डाबकी रोड, अकोला), प्रतीक मनोहर तायडे(वय २१, रा. अडगाव, बु. ता. तेल्हारा, जि. अकोला), हर्ष विष्णू घाटोळ(वय १७ वर्ष ११ महिने, पळशी खुर्द, ता. खामगाव, जि. बुलढाणा) आणि प्रफुल पांडुरंग लंगोटे(वय १९, रा. न्यू भीम नगर, कृषी नगर, अकोला) या चौघांची बेपत्ता असल्याची तक्रार बाळापूर आणि सिव्हिल लाईन पोलीस ठाण्यात दाखल आहे. हे चौघेही बाळापूर तालुक्यातील व्याळा येथील मानव सिटी पॉलिटेक्निक कॉलेजमध्ये शिक्षण घेत आहेत. सोमवारपासून घरून कॉलेजमध्ये गेले होते, मात्र अद्याप घरी परतलेच नाही. हे चौघेही कुठे दिसून आल्यास तात्काळ अकोला पोलिसांच्या(Akola Police) स्थानिक गुन्हे शाखेतील पोलीस उपनिरीक्षक मुकुंद देशमुख यांना संपर्क साधावा, असे आवाहन केले आहे. ७०२०८२१७८५ आणि ९८५०५२८८८५ या मोबाईल क्रमांकावर माहिती देण्याचे आवाहन पोलिसांनी केले आहे.